माझ्या विरोधात पंडित-पवार घरातील आठ-आठजण दिवसरात्र प्रचारात – महेश दाभाडे

घडीचा गजर वाढताच विरोधकांच्या पायाखालची जमीन सरकली

गेवराई नगर परिषद निवडणुकीचे वातावरण चांगलेच तापले असून उमेदवार परस्परांवर आरोप-प्रत्यारोप करत आहेत. भाजप उमेदवारांकडून मतदारांना धमक्याही दिल्या जात आहेत. मात्र राष्ट्रवादी काँग्रेस पक्षाने विकासाचे व्हिजन घेऊन आपले उमेदवार निवडणुकीत उभे केले आहेत. राष्ट्रवादी काँग्रेस पक्षाच्या नगराध्यक्षपदाच्या उमेदवार सौ.शितलताई दाभाडे आणि सर्व नगरसेवक पदाच्या उमेदवारांच्या प्रचारार्थ माजी नगराध्यक्ष महेश दाभाडे यांनी आपल्या प्रचाराचा झंझावात सुरु केला आहे. यावेळी बोलताना ते म्हणाले की, मला कसलीही राजकीय पार्श्वभुमी नाही. मात्र सामाजिक क्षेत्रामध्ये काम करण्याचा अनुभव आहे, लोकांशी चांगला संवाद आहे त्यामुळेच मी राजकारणाकडे वळला गेलो. राष्ट्रवादी काँग्रेस पक्षाचे प्रदेश सरचिटणीस अमरसिंह पंडित, आ. विजयसिंह पंडित यांच्या नेतृत्वाखाली काम करण्याचा निर्णय घेतला ही गोष्ट विरोधकांना रुचली नाही. आज नगर परिषद निवडणुकीच्या निमित्ताने पंडित-पवार या दळभद्री युतीकडून माझा अपप्रचार केला जात आहे, प्रचाराची खालची पातळी गाठली आहे. मतदारांना धमकावणे, कार्यकर्त्यांना धाक दाखवणे अशा गोष्टी त्यांच्याकडून सुरु असून त्यांच्या पोकळ धमक्यांना तुम्ही घाबरू नका. शिवछत्र परिवार आपल्या पाठिशी खंबीरपणे उभा आहे.