“गटविकास अधिकारी प्रकाश पोळ यांच्या नेतृत्वात ग्रामविकासाला नवे बळ”

“गटविकास अधिकारी प्रकाश पोळ यांच्या नेतृत्वात ग्रामविकासाला नवे बळ”

शैक्षणिक आणि शेती क्षेत्रात प्रगती ;
“कार्यतत्पर अधिकारी म्हणून ओळख

उपसंपादक – गट विकास अधिकारी (BDO) श्री. प्रकाश पोळ यांनी जामखेड तालुक्यात कार्यभार स्वीकारल्यानंतर विकासकामांना मोठा वेग मिळाला आहे. त्यांच्या दूरदृष्टी, कार्यक्षमते आणि लोकाभिमुख दृष्टिकोनामुळे तालुक्यातील ग्रामविकासात उल्लेखनीय बदल झाले आहेत.

*जिल्हा परिषद शाळांचा विकास*

शिक्षण क्षेत्रात विशेष लक्ष देत पोळ यांनी जिल्हा परिषद शाळांचे नुतनीकरण, भौतिक सुविधा वाढवणे आणि डिजिटल शिक्षणासाठी आवश्यक साधनसामग्री उपलब्ध करून दिली. अनेक शाळांमध्ये संगणक लॅब्स, स्मार्ट बोर्ड्स आणि मुलांसाठी खेळाची साधने उपलब्ध करून देण्यात आली. यामुळे विद्यार्थ्यांची शैक्षणिक गुणवत्ता आणि उपस्थितीमध्ये लक्षणीय वाढ झाली आहे.

*संरक्षण भिंतींचे निर्माण*

पुर, पावसामुळे होणारे नुकसान आणि शेतजमिनींचे संरक्षण यासाठी संरक्षण भिंतींचे (कंपाउंड वॉल) बांधकाम मोठ्या प्रमाणावर करण्यात आले आहे. गावातील स्मशानभूमी, शाळा, अंगणवाड्या आणि सार्वजनिक इमारती सुरक्षित करण्यात आल्या असून गावकऱ्यांना सुरक्षिततेचा अनुभव आला आहे.

*शेतकऱ्यांसाठी विविध योजनांचा लाभ*

श्री. पोळ यांच्या प्रयत्नांमुळे शेतकऱ्यांना प्रधानमंत्री कृषी सिचंन योजना, महात्मा गांधी रोजगार हमी योजना, drip irrigation अनुदान योजना, पशुसंवर्धन प्रकल्प अशा अनेक योजनांचा लाभ मिळू लागला आहे. यामुळे उत्पादनात वाढ तर झालीच, पण शेतकऱ्यांचे आर्थिक स्थैर्यही बळकट झाले आहे.

*नवीन उपक्रम आणि जनसहभाग*

तालुक्यातील ग्रामस्थांना योजनांची माहिती देण्यासाठी जनजागृती मोहीम, ग्रामसभा, शिबिरे यांचे आयोजन करण्यात आले. जनतेच्या सहभागाने योजनांची अंमलबजावणी अधिक प्रभावी झाली.

*प्रकाश पोळ यांच्या कार्यकाळात जामखेड तालुक्याचा चेहरामोहरा बदलला. असून शिक्षण, शेती, पायाभूत सुविधा आणि लोकसहभाग अशा सर्वच क्षेत्रात त्यांनी दिलेलं योगदान प्रेरणादायी…..*