पंडित-पवारांची युती फक्त चार दिवसांसाठी, मी दोघांनाही जवळून पाहिले आहे – विलास सुतार

बीड जिल्ह्यात शिवछत्र हा एकमेव परिवार असा आहे की तो दिलेला शब्द पाळतो, महेश दाभाडे हे सर्वसामान्य घरातील असून एक हक्काचा माणूस म्हणून अमरसिंह पंडित यांनी त्यांना उमेदवारी दिली. परंतु विरोधकांनी मात्र घराणेशाहीला पाठबळ दिले. हा प्रचार विकासाच्या मुद्यावर व्हायला हवा पण तो दुसरीकडेच भरकटत आहे. गेवराई शहराचा विकास करण्यासाठी अमरसिंह पंडित यांच्या हातात नगर परिषदेचे सुत्र देणे गरजेचे आहे. उपमुख्यमंत्री अजितदादा पवार हे जिल्ह्याचे पालकमंत्री आहेत, त्यांच्या मार्गदर्शनाखाली आ. विजयसिंह पंडित काम करत असून गेवराई नगर परिषद जर शिवछत्र परिवाराच्या ताब्यात दिली तर गेवराई शहर हे दुसरी बारामती होईल हे कोणाला सांगायची गरज नाही. त्यामुळे गेवराई शहरातील मतदारांनी सौ. शितलताई दाभाडे यांच्यासह सर्व नगरसेवक पदाच्या उमेदवारांना बहुमताने विजयी करण्याचे आवाहन विलास सुतार यांनी केले.