जामखेड तालुक्यात ५८ ग्रामपंचायतींसाठी आरक्षण सोडत जाहीर – महिलांना ५०% आरक्षण

जामखेड तालुक्यात ५८ ग्रामपंचायतींसाठी आरक्षण सोडत जाहीर – महिलांना ५०% आरक्षण

जामखेड, २३ जुलै (प्रतिनिधी)जामखेड तालुक्यातील येणाऱ्या २०२५ ते २०३० या पंचवार्षिक कालावधीसाठी ५८ ग्रामपंचायतींच्या सरपंच पदांच्या आरक्षणाची सोडत आज (२३ जुलै) जामखेड तहसील कार्यालयात उत्साहपूर्ण वातावरणात पार पडली. या आरक्षणात अनुसूचित जाती, अनुसूचित जमाती, नागरिकांचा मागास प्रवर्ग व सर्वसाधारण प्रवर्ग अशा विविध गटांना संधी देण्यात आली असून, महिलांसाठी एकूण ५० टक्के आरक्षण राखीव ठेवण्यात आले आहे.

आरक्षण प्रक्रियेत अनुसूचित जातीसाठी ६ ग्रामपंचायती, अनुसूचित जमातीसाठी १, मागास प्रवर्गासाठी १६ तर सर्वसाधारण प्रवर्गासाठी ३५ ग्रामपंचायती आरक्षित करण्यात आल्या आहेत. यामध्ये महिला व पुरुष अशा दोन्ही गटांमध्ये आरक्षणाचे योग्य प्रमाण राखण्यात आले आहे.

अनुसूचित जाती प्रवर्गात स्त्रियांसाठी पाटोदा, हळगाव, धनेगाव तर पुरुषांसाठी दिघोळ, शिऊर, साकत ग्रामपंचायती आरक्षित झाल्या आहेत. अनुसूचित जमाती प्रवर्गातील एकमेव जागा पिंपरखेड येथे स्त्रीसाठी राखीव ठेवण्यात आली आहे.

नागरिकांचा मागास प्रवर्गात स्त्री आरक्षणासाठी जवळा, झिक्री, बावी, मतेवाडी, वाकी, लोणी, देवदैठन, अरणगाव तर पुरुष आरक्षणासाठी आनंदवाडी, कवडगाव, तेलंगशी, पिंपळगाव आळवा, बोर्ले, सातेफळ, डोणगाव, सारोळा या ग्रामपंचायतींची नावे ठरली.

सर्वसाधारण प्रवर्गात स्त्री आरक्षणासाठी पाडळी, घोडेगाव, पिंपळगाव उंडा, नान्नज, सोनेगाव, जवळके, मोहा, बांधखडक, धानोरा, सावरगाव, आपटी, कुसडगाव, राजेवाडी, चोभेवाडी, गुरेवाडी, पोतेवाडी, वाघा, फक्राबाद तर पुरुष आरक्षणासाठी आघी, खर्डा, खांडवी, खुरदैठण, चौंडी, जातेगाव, जायभायवाडी, तरडगाव, धामणगाव, धोंडपारगाव, नायगाव, बाळगव्हाण, मुंजेवाडी, मोहरी, रत्नापुर, राजुरी, नाहुली या ग्रामपंचायतींचा समावेश आहे.