कुशल बील खात्यात वर्ग झालेल्या लाभार्थ्यांचा स्थळ पाहणी अहवाल सादर करण्याचे आदेश

कुशल बील खात्यात वर्ग झालेल्या लाभार्थ्यांचा स्थळ पाहणी अहवाल सादर करण्याचे आदेश

228 लाभार्थ्यांच्या शेतात जाऊन पाहणी करण्यासाठी दहा पथकाची स्थापना

पंचायत समिती कार्यालयाचा अजब कारभार ; कुशल बील खात्यात जमा होण्या अगोदर अधिकाऱ्याकडून पाहणी होणे गरजेचे

गटविकास अधिकारी मॅडम चा वरातीमागून घोडे नाचवण्याचा प्रकार

गेवराई – महात्मा गांधी रोजगार हमी योजने मधून गेवराई तालुक्यातील अनेक ग्रामपंचायत अंतर्गत लाभार्थ्यांनी मोहगनी वृक्ष लागवडीचे प्रस्ताव पंचायत समिती कार्यालय येथे सादर केले यामध्ये काही लाभार्थ्यांनी स्वतः प्रस्ताव दाखल केले तर अनेक ठिकाणच्या गावातून रोजगार सेवक,गाव पुढारी,यांच्या  मार्फत प्रस्ताव दाखल केले या प्रस्तावाचे मंजुरी नंतर काही मस्टर  काढून डायरेक्ट कुशल बील प्रस्तावित केले आणि ते लाभार्थ्यांच्या खात्यात ऑनलाइन जमा करण्यात आले परंतु तालुक्यात अनेक ठिकाणी कामेच झाली नसून कुशल बील काढण्यात आल्याच्या तक्रारी प्राप्त झाल्यानंतर पंचायत समितीच्या गटविकास अधिकाऱ्यांनी याची स्थळ पाहणी करण्याच्या सूचना दिल्या असून तपासणी पथके तयार करून अहवाल सादर करण्याच्या सूचना दिल्या आहेत.त्यामुळे आता महात्मा गांधी रोजगार हमी योजनेमध्ये लाखोचा घोटाळा उघड होईल अशी चर्चा तालुक्यात होत आहे.

  गेवराई पंचायत समिती मागील अनेक दिवसापासून एक ना अनेक कामामुळे जिल्ह्यात चर्चेचा विषय बनली असून मागील काळात तालुक्यातील धोंडराई,तलवाडा यासारख्या मोठ्या ग्रामपंचायत सह अनेक ग्रामपंचायत मध्ये महात्मा गांधी रोजगार हमी योजनेचे कामे बोगस कामे झाले असल्याचे उघड झाले होते परंतु त्यावेळी मोठी कारवाई करण्यात आली नाही,परंतु आता तालुक्यातील मोहगणी वृक्ष लागवडीच्या कुशल बीलाचे प्रकरण समोर आले असून कुशल बेलाची रक्कम पंधरा दिवसापूर्वी लाभार्थ्यांच्या खात्यात ऑनलाइन जमा झाली असून काही लाभार्थ्यांच्या खात्यात जमा होणे बाकी आहे.परंतु अनेक ठिकाणी मोहगणी वृक्ष लागवडच झाली नसल्याने पैसे खात्यात कसे काय जमा केले,प्रस्ताव कोणी तयार केले,हा संशयित प्रश्न उपस्थित होत आहे.त्यामुळे गटविकास अधिकारी यांनी तालुक्यातील ग्रामपंचायतीच्या अंतर्गत गाव निहाय वृक्ष लागवड झाली की नाही हे शेतात जाऊन स्थळ पाहणी करण्याच्या सूचना दिल्या आहेत त्याच बरोबर या संबंधीचे सर्व अभिलेखे,रेकॉर्ड उपलब्ध करून तत्काळ अहवाल पंचायत समिती कार्यालयात सादर करण्याच्या सूचना पथक प्रमुख यांना दिल्या असल्याने आता हे पथक कधी पाहणीसाठी गावात येऊन शेतात पाहणी करतात हे पहावे लागेल.