ना.अजितदादांकडून बीडकरांची अपेक्षापूर्ती आ. विजयसिंह पंडित यांच्या मागणीनुसार बीड शहरातील रस्त्यांना २२ कोटी रुपयांचा निधी

अनेक वर्षांपासून बीड शहरावर राज्य करणाऱ्या राज्यकर्त्यांनी बीडकरांना रस्ते, नाल्या, पथदिवे अशा मुलभूत सुविधांपासून वंचित ठेवले. बीडकरांचे साध्या-साध्या गोष्टींसाठी हाल होत असताना सत्ताधारी मात्र त्यांच्याच धुंदीत होते. बीडच्या सुजान जनतेने नगरपालिका निवडणुकीत पालकमंत्री ना. अजितदादा पवार यांच्या शब्दावर आणि आ. विजयसिंह पंडित यांच्या नेतृत्वावर विश्वास टाकत सत्ताधाऱ्यांची धुंद उतरवली. आता ना.अजितदादा पवार आणि आ. विजयसिंह पंडित हे देखील बीडच्या जनतेला निवडणुकीत दिलेल्या शब्दांना जागत असल्याचे दिसत आहेत. नगर पालिका निवडणुकीत राष्ट्रवादी काँग्रेसला भरघोस विजय देणाऱ्या बीडच्या जनतेला निकालानंतर अवघ्या महिनाभरात विविध विकास कामांसाठी २२ कोटी रुपयांचा निधी मंजुर करण्यात आला आहे. जिल्हा वार्षिक योजनेतून २४ कामांना प्रशासकीय मान्यता मिळाली आहे. लवकरच या कामांची निविदा प्रक्रिया करून प्रत्यक्ष कामाला सुरुवात करण्यात येणार आहे. बीड शहरातील विकास कामांना निधी मंजुर केल्याबद्दल नगराध्यक्षा प्रेमलताताई पारवे, उपनगराध्यक्ष विनोद मुळूक, गटनेते फारुक पटेल, अमर नाईकवाडे, शेख निजाम, मुजीबभाई, संजय उडाण, सादेक अली, बाळासाहेब गुंजाळ, अशफाक इनामदार, भैय्या मोरे, रणजित बनसोडे, जैतुल्ला खान, प्रमोद शिंदे, जकी सौदागर, शेख बिलाल, महेश धांडे, मनोज गोडसे, दत्ता जाधव, शेख खय्युम, वाजेद कुरेशी, विश्वनाथ चक्रे यांच्यासह शिव-शाहू-फुले-आंबेडकर-मौलाना आझाद बीड शहर विकास आघाडीच्या सर्व नगरसेवकांनी ना.अजितदादा पवार व आ. विजयसिंह पंडित यांचे आभार मानले आहेत.

ही होणार कामे
बीड शहरातील छत्रपती शिवाजी महाराज यांचा पुतळा ते बशीरगंज चौक पर्यंत सिमेंट रस्ता व नाली बांधकाम करणे – १२५ लक्ष रु., जालना रोड ते पुण्यश्लोक अहिल्यादेवी होळकर यांच्या पुतळ्यापर्यंत सिमेंट रस्ता व नाली बांधकाम करणे – २०० लक्ष रु., जिजामाता चौक ते स्पोर्टस्‌‍ कॉम्प्लेक्स पर्यंत सिमेंट रस्ता व नाली बांधकाम करणे – १०० लक्ष रु.,  राजुरी वेस ते कबाड गल्ली, माळीवेस पोलीस चौकीपर्यंत सिमेंट रस्ता व नाली बांधकाम करणे – २०० लक्ष रु.,  बार्शी रोड ते लेंडीनाला पर्यंत सिमेंट रस्ता व नाली बांधकाम करणे – २०० लक्ष रु.,  बीड शहरातील लेंडीनाला ते कौसर चौक ते बिंदुसरा नदीपर्यंत सिमेंट रस्ता व नाली बांधकाम करणे – १२५ लक्ष रु., बारकुल हॉस्पिटल ते तहसिल कार्यालया पर्यंत सिमेंट रस्ता व नाली बांधकाम करणे – ९० लक्ष रु., नरसोबा नगर ते माऊली हॉस्पिटलपर्यंत सिमेंट रस्ता व नाली बांधकाम करणे – १५० लक्ष रु., चक्रधर नगर येथे सिमेंट रस्ता व नाली बांधकाम करणे – १०० लक्ष रु., कॅनॉल रोड ते शिंदेनगर फेज १ मध्ये सिमेंट रस्ता व नाली बांधकाम करणे – १०० लक्ष रु., खंडेश्वरी देवी मंदिर ते खिंड रस्त्यापर्यंत सिमेंट रस्ता व नाली बांधकाम करणे – १०० लक्ष रु., कॅनरा बँक कॉलनी येथे हनुमान मंदिरा पर्यंत सिमेंट रस्ता व नाली बांधकाम करणे – ७० लक्ष रु., प्रेरणा कॉलनीमध्ये श्री.अकोलकर यांचे घर ते पिठाच्या गिरणी पर्यंत सिमेंट रस्ता व नाली बांधकाम करणे – ६० लक्ष रु., हनुमान नगर येथे श्री.हातागळे यांचे घर ते श्री.गालफाडे यांच्या घरापर्यंत सिमेंट रस्ता व नाली बांधकाम करणे – ६० लक्ष रु., हनुमाननगर येथील समाजमंदिर ते श्री.जोगदंड यांच्या घरापर्यंत सिमेंट रस्ता व नाली बांधकाम करणे – ६० लक्ष रु., बलभीमनगर येथे सिमेंट रस्ता व नाली बांधकाम करणे – ६० लक्ष रु., नगर रोड ते ऑफिसर कॉलनी पर्यंत सिमेंट रस्ता व नाली बांधकाम करणे – ६० लक्ष रु., जुना धानोरा रोड ते श्री.काळे यांच्या घरापर्यंत सिमेंट रस्ता व नाली बांधकाम करणे – ५० लक्ष रु., जुना धानोरा ते पिंगळे डेअरी फार्मपर्यंत सिमेंट रस्ता व नाली  बांधकाम करणे – ५० लक्ष रु., पवनसुत मंगल कार्यालयाच्या मागील बाजूस सिमेंट रस्ता व नाली बांधकाम करणे. ५० लक्ष रु., प्रियदर्शनी बालउद्यानच्या बाजूला वाहनतळ बांधकाम करणे – ५० लक्ष रु., शिवाजी नगर येथे श्री.सतिष जाधव ते श्री.शिंदे यांच्या घरापर्यंत सिमेंट रस्ता व नाली बांधकाम करणे – ५० लक्ष रु., नागसेन बुध्दविहार नुतणीकरण करणे – २५ लक्ष रु., विविध ठिकाणी सोलार मिनी हायमास्ट बसविणे – १०० लक्ष रु.