नेकनूरला अखेर अप्पर तहसील कार्यालय; आमदार नमिताताई मुंदडा व भारत बाप्पा काळेंच्या प्रयत्नांना यश.

नेकनूरला अखेर अप्पर तहसील कार्यालय; आमदार नमिताताई मुंदडा व भारत बाप्पा काळेंच्या प्रयत्नांना यश.

नेकनूर प्रतिनिधी :

नेकनूर व पंचक्रोशीतील नागरिकांसाठी अत्यंत महत्त्वाचा आणि बहुप्रतिक्षित निर्णय अखेर प्रत्यक्षात आला असून नेकनूर येथे अप्पर तहसील कार्यालय कार्यान्वित करण्यास शासनाने शासनाने संबंधित अधिकाऱ्यांकडून माहीती मागवली आहे.या यशामागे केज विधानसभा मतदारसंघाच्या कार्यसम्राट व लोकप्रिय आमदार नमिताताई अक्षय मुंदडा यांचा सातत्यपूर्ण पाठपुरावा तसेच जि.प.सदस्य भारत बाप्पा काळे यांच्या माध्यमातून झालेले वारंवार प्रयत्न महत्त्वाचे ठरले आहेत.

नेकनूर अप्पर तहसील कार्यालयासाठी आमदार नमिताताई मुंदडा यांनी शासनदरबारी सातत्याने पाठपुरावा करत विधानसभा अधिवेशनात तारांकित प्रश्न मांडून सरकारचे थेट लक्ष वेधले. जनतेच्या अडचणी सभागृहात ठामपणे मांडल्यामुळे हा प्रश्न मार्गी लागला. याचबरोबर भारत बाप्पा काळे यांनीही नेकनूर परिसरातील नागरिकांच्या समस्या सातत्याने प्रशासनापर्यंत पोहोचवत या कार्यालयासाठी आग्रह धरला होता.

या अप्पर तहसील कार्यालयामुळे आता नेकनूर व परिसरातील सर्व गावांची महसूल विभागाशी संबंधित कामे याच ठिकाणी होणार आहेत. आता विविध प्रशासकीय कामांसाठी नागरिकांना दूरच्या तहसील कार्यालयात जाण्याची गरज राहणार नाही. यामुळे शेतकरी, कष्टकरी व सर्वसामान्य नागरिकांचा वेळ, पैसा आणि मानसिक त्रास मोठ्या प्रमाणात वाचणार आहे.

या ऐतिहासिक यशाबद्दल भारत बाप्पा काळे यांनी आमदार नमिताताई अक्षय मुंदडा,पर्यावरण मंत्री पंकजाताई गोपीनाथ मुंडे साहेब,व महाराष्ट्र राज्याचे मुख्यमंत्री मा. देवेंद्रजी फडणवीस साहेब यांचे विशेष आभार मानले आहेत. शासनाच्या सकारात्मक निर्णयामुळे नेकनूर परिसराच्या विकासाला नवी दिशा मिळणार असल्याचे त्यांनी नमूद केले.

 त्याचबरोबर या प्रश्नासाठी सुरुवातीपासून आग्रही भूमिका घेणारे भारत बाप्पा काळे यांच्याही प्रयत्नांचे नागरिकांकडून विशेष अभिनंदन होत आहे.