उपळी जि.प. गटातून सोळंके परिवाराचे निष्ठावंत शिलेदार उत्तम पवार जनतेच्या मनातील उमेदवार आ. प्रकाश दादांनी व जयसिंग भैय्यांनी उमेदवारी घ्यावी जनतेची एकमुखी मागणी

उपळी जि.प. गटातून सोळंके परिवाराचे निष्ठावंत शिलेदार उत्तम पवार जनतेच्या मनातील उमेदवार

आ. प्रकाश दादांनी व जयसिंग भैय्यांनी उमेदवारी घ्यावी जनतेची एकमुखी मागणी

वडवणी (प्रतिनिधी) :वडवणी तालुक्यातील अग्रमन्य नेते, समाजसेवक आणि जनतेचे लाडके शिलेदार म्हणून ओळखले जाणारे उत्तम पवार हे आता जिल्हा परिषद निवडणुकीच्या रिंगणात उतरतील, अशी जोरदार चर्चा तालुक्यात रंगली आहे. उपळी जि.प. गटातून सोळंके परिवाराचे विश्वासू कार्यकर्ते म्हणून त्यांनी गेल्या अनेक वर्षांपासून समाजसेवा आणि विकासाची वाटचाल अखंड सुरू ठेवली आहे.

उत्तम पवार यांनी जनतेच्या समस्या ओळखून त्यांचे निवारण करण्यासाठी नेहमी पुढाकार घेतला आहे. गावोगावच्या पाणी, रस्ते, शिक्षण, आरोग्य आदी विकासकामांमध्ये त्यांनी सक्रिय सहभाग नोंदवला आहे. त्यांच्या या जनसेवेच्या कार्यामुळे उपळी परिसरातील मतदारांमध्ये त्यांच्याबद्दल अपार आदर आणि विश्वास निर्माण झाला आहे.

वडवणी तालुक्यातील ग्रामस्थ, कार्यकर्ते आणि जनतेच्या भावना ओळखून आ. प्रकाश दादा सोळंके आणि जयसिंग भैय्या सोळंके यांनी उत्तम पवार यांच्या उमेदवारीला हिरवा कंदील द्यावा, अशी मागणी जनतेतून होत आहे. “उत्तम पवार हे खऱ्या अर्थाने जनतेच्या मनातील उमेदवार आहेत. त्यांच्या निवडणुकीतून परिसराचा विकास नक्कीच गतीमान होईल,” असे मत स्थानिक नागरिकांनी व्यक्त केले.

उत्तम पवार यांच्या जनसेवेचा प्रवास अत्यंत प्रेरणादायी आहे. साध्या शेतकरी कुटुंबातून आलेले पवार यांनी समाजातील वंचित घटकांना मदत करत, युवकांना रोजगार व शिक्षणाच्या संधी उपलब्ध करून देण्याचे काम केले आहे. त्यांच्या निस्वार्थ सेवेमुळे जनतेच्या मनात त्यांच्याबद्दल विशेष प्रेम आहे.

लोकप्रतिनिधी म्हणून काम करण्यासाठी उत्तम पवार हे योग्य व्यक्ती असल्याचे मतही अनेक स्थानिक ज्येष्ठ कार्यकर्त्यांनी व्यक्त केले आहे. “विकास आणि सेवा हेच त्यांचे ध्येय आहे. जनतेच्या सुख-दुःखात ते कायम सोबत राहिले आहेत,” असे त्यांचे सहकारी म्हणाले.

जनतेची भावना ओळखा, उमेदवारी उत्तम पवारांना द्या

लोकप्रिय नेता आणि जनसेवेचे प्रतीक असलेल्या उत्तम पवार यांना उमेदवारी देऊन जनतेच्या अपेक्षांचा सन्मान करावा, अशी एकमुखी मागणी होत आहे. वडवणी तालुक्यातील ग्रामस्थ, कार्यकर्ते आणि युवक वर्गातून या उमेदवारीबाबत प्रचंड उत्साह दिसून येत आहे.

> “उत्तम पवार हे जनतेच्या मनातील उमेदवार असून, त्यांना उमेदवारी देणे म्हणजे विकासाची दिशा ठरवणे आहे,” असे मत स्थानिक ग्रामस्थांनी व्यक्त केले.