श्रीवर्धनचे प्रथम नागरिक नगराध्यक्ष ॲड. अतुल चौगुले यांच्या निवासस्थानी मोरया भजन मंडळाची भजनसेवा; शिवसेना शहरप्रमुखांची विशेष उपस्थिती
श्रीवर्धन(संदेश घोलप):श्रीवर्धन शहराचे प्रथम नागरिक आणि नगराध्यक्ष ॲड. अतुल अरविंद चौगुले यांच्या निवासस्थानी विराजमान झालेल्या लाडक्या गणरायाचे दर्शन घेताना गणेशोत्सवाचा डिजिटल व भक्तीमय उत्साह पाहायला मिळाला. या शुभप्रसंगी श्रीवर्धन येथील सुप्रसिद्ध ‘मोरया भजन मंडळ’ यांनी श्रींच्या चरणी आपली सेवाभावी भजनसेवा अर्पण करत गणरायाला मनोभावे वंदन केले.
नगराध्यक्ष ॲड. अतुल चौगुले यांच्या निवासस्थानी गणरायाच्या दर्शनासाठी राजकीय, सामाजिक व सांस्कृतिक क्षेत्रातील विविध मान्यवरांनी हजेरी लावली होती. मोरया भजन मंडळाने गायलेल्या तल्लीन करणाऱ्या भजनांनी आणि गजराने परिसर भक्तिमय वातावरणाने दुमदुमून गेला.
या भक्तिमय सोहळ्याला शिवसेना शहरप्रमुख शिवराज संदीप चाफेकर हे विशेषत्वाने उपस्थित होते. त्यांनी गणरायाचे भाविकतेने दर्शन घेऊन चौगुले परिवाराला गणेशोत्सवाच्या शुभेच्छा दिल्या. याप्रसंगी परिसरातील नागरिक, पदाधिकारी व चौगुले परिवारातील सदस्य मोठ्या संख्येने उपस्थित होते.
