आम्हाला आणि आमच्या कुटुंबाला संरक्षण द्या… – पाचेगाव येथील तिघांचे जिल्हाधिकारी, एसपिंना निवेदन

– पाचेगाव येथील तिघांचे जिल्हाधिकारी, एसपिंना निवेदन

बीड ( प्रतिनिधी ) : गेवराई तहसीलमधील तिघाजणांनी गुरुवारी जिल्हादंडाधिकारी आणि पोलीस अधीक्षकांना निवेदन देऊन आम्हाला व आमच्या कुटुंबीयांना सुरक्षा पुरवण्याची विनंती केली. या निवेदनाची प्रत त्यांनी मुख्यमंत्री आणि पोलीस महासंचालकांनाही पाठवली आहे.

गेवराई तालुक्यातील पाचेगाव येथील एका व्यक्ति ने कानिफनाथ महाराज मंदिर श्रद्धास्थळासाठी बीड येथील सहाय्यक धर्मादाय आयुक्त कार्यालयात नोंदणी केली आहे. यासंदर्भात ग्रामपंचायत कार्यालयात नोटिस चिकटविण्यात आली आहे. गावचे रहिवासी पठाण समीर अहमद नूर, हकीम बाबू सय्यद, शेख सलीम हमीद यांनी संबंधित नोटीसची पाहणी करून माहिती गोळा केली. यावर त्याच गावातील शैलके खंडू आत्माराम नावाच्या व्यक्तीने समीर आणि रईस शेख यांना  खूप उंच उडत आहेत, नाहीतर मी त्यांचा काटा काढेन, ते कुठे गायब होतील माहीत नाही. त्यांना सुपारी देऊन आम्ही कार्यक्रम करू. अशी धमकी दिल्याने घाबरलेल्या तिघांनी गुरूवार, 24 एप्रिल रोजी जिल्हादंडाधिकारी व पोलीस अधीक्षकांना निवेदन देऊन आम्हाला व आमच्या कुटुंबीयांना सुरक्षा द्यावी व शेळके नावाच्या व्यक्ती व त्याच्या साथीदारांवर कारवाई करावी, अशी मागणी केली आहे.

—–

एसपी साहेबांनी संबंधित व्यक्तीवर कारवाई करावी

जिल्ह्यात किरकोळ वादातून लोकांचे हकनाक बळी जात आहेत. पाचेगावातील तक्रारदारांना गावातील एका व्यक्तीकडून जीवे मारण्याच्या धमक्या मिळाली आहे. यामुळे तिघे कामगार आणि त्यांचे कुटुंबीय चांगलेच भयभीत झालेले आहेत. बीड चे कर्तव्यदक्ष पोलीस अधीक्षक नवनीत कांवत साहेबांनी या तक्रारीची गांभीर्याने दखल घेऊन संबंधितावर कारवाई करण्यात यावी.