आमदार रोहित पवार यांच्या हस्ते मयूर भोसले यांना ‘सेकंड ऑफिसर’ रँक प्रदान; जामखेडच्या नागेश विद्यालयात उत्साही सोहळा

आमदार रोहित पवार यांच्या हस्ते मयूर भोसले यांना ‘सेकंड ऑफिसर’ रँक प्रदान; जामखेडच्या नागेश विद्यालयात उत्साही सोहळा

जामखेड (प्रतिनिधी):
रयत शिक्षण संस्थेचे श्री नागेश विद्यालय, जामखेड येथील राष्ट्रीय छात्र सेना(आर्मी)चे ऑफिसर मयूर कृष्णाजी भोसले यांना एनसीसीमध्ये ‘सेकंड ऑफिसर’ पदी पदोन्नती मिळाल्याबद्दल, रयत शिक्षण संस्थेचे जनरल बॉडी सदस्य तथा आमदार रोहित दादा पवार यांच्या शुभहस्ते त्यांना स्टार लावून रँक प्रदान करण्यात आली.

मयूर भोसले यांनी नागपूर येथील ‘कामठी ऑफिसर ट्रेनिंग अकॅडमी’ (OTA) मध्ये आपले खडतर प्रशिक्षण यशस्वीरित्या पूर्ण केले. त्यानंतर त्यांची ‘थर्ड ऑफिसर’ वरून ‘सेकंड ऑफिसर’ पदी नियुक्ती करण्यात आली आहे. या गौरव सोहळ्यानिमित्त जामखेड परिसरातून त्यांच्यावर अभिनंदनाचा वर्षाव होत आहे.

मान्यवरांची उपस्थिती
या कार्यक्रमाप्रसंगी उत्तर विभाग सल्लागार समिती सदस्य राजेंद्र कोठारी व नितीन गोलेकर, कन्या विद्यालय स्कूल कमिटीचे सुरेश भोसले, तहसीलदार धंनजय बांगर, गटविकास अधिकारी शुभम जाधव , प्राचार्य मडके बी. के., पर्यवेक्षक जाधवर एस. व्ही, संतोष पवार, सुहास जाधव यांसह विविध विभागाचे अधिकारी, शिक्षक आणि एनसीसी कॅडेट्स मोठ्या संख्येने उपस्थित होते.
सतरा महाराष्ट्र बटालियनचे सी ओ कर्नल प्रसाद मिराज , नागेश विद्यालय स्कूल कमिटी सदस्य हरिभाऊ बेलेकर ,विनायक राऊत यांनी विशेष अभिनंदन केले.

सामाजिक कार्याची दखल: आ. रोहित पवार

यावेळी शुभेच्छा देताना आमदार रोहित पवार म्हणाले, एनसीसी ऑफिसर मयूर भोसले हे केवळ एक शिक्षक नसून ते सामाजिक उपक्रम व स्वछता उपक्रमात नेहमीच अग्रेसर असतात. एनसीसीच्या माध्यमातून विद्यार्थ्यांमध्ये देशभक्ती आणि शिस्त रुजवण्याचे मोलाचे कार्य ते करत आहेत. त्यांच्या पुढील वाटचालीस आणि लवकरात लवकर पुढील प्रमोशन मिळावे यासाठी माझ्याकडून खूप शुभेच्छा.