बीड
जामखेडच्या विकासासाठी भाजपाला बहुमत द्या – प्रा. राम शिंदे
जामखेडच्या विकासासाठी भाजपाला बहुमत द्या – प्रा. राम शिंदे
८ प्रभागांत ७० उमेदवारांची मुलाखत; भाजपाची निवड प्रक्रिया सुरू
जामखेड प्रतिनिधी : जामखेड शहराचा विकास वैयक्तिक विकास नाही. संपूर्ण शहराचा कायापालट करायचा आहे. यासाठी मोठ्या निधीची गरज आहे. केंद्रात राज्यात भाजपाचे सरकार आहे. मागच्या निवडणुकीत झालेल्या चुका, पुन्हा नको तेव्हा जामखेड नगरपरिषदेवर पुर्ण बहुमताने भाजपची सत्ता आवश्यक आहे.
जनतेच्या आशीर्वादाने भाजपचा झेंडा नगरपरिषदेवर फडकेल असा विश्वास प्रा.शिंदे यांनी व्यक्त केला.
नगरपरिषद निवडणुकीच्या अनुषंगाने नगराध्यक्ष, नगरसेवक पदाच्या इच्छुक उमेदवारांच्या मुलाखत कार्यक्रमाचे आयोजन करण्यात आले होते. यावेळी बैठकीदरम्यान विधान परिषदेचे सभापती प्रा. राम शिंदे बोलत होते.
पुढे बोलताना प्रा.शिंदे म्हणाले की, मी कामापुरता मामा नाही. विरोधकांचेही फोन उचलतो. नाराजी नको, शहराच्या विकासासाठी सर्वांनी एकत्र यावे.उमेदवारीबाबत कठोर भूमिका स्पष्ट करताना ते म्हणाले, उमेदवारी देतांना गेल्या वेळी जी चूक झाली, ती यावेळी होणार नाही. कोणी कीतीही जवळचा असला तरी कोणत्याही शिफारशीवर तिकीट दिले जाणार नाही. लोकांच्या मनात असणाऱ्या, सर्व्हेमध्ये स्विकारल्या गेलेल्या व्यक्तीलाच उमेदवारी दिली जाईल. त्यासाठी पक्षाने याबाबत काही पदाधिकाऱ्यांची जबाबदारी निश्चित केली आहे.
——७० इच्छुक उमेदवार – – –
यावेळी जामखेड नगरपरिषद हद्दीतील प्रभाग क्रमांक ३,४,११,१२,७,८,९,१० या एकुण ८ प्रभागातील नगरसेवक पदासाठी एकुण ७० इच्छुक उमेदवारांनी मूलाखती दिल्या अशी माहिती जामखेड शहर मंडलाध्यक्ष संजय काशिद यांनी दिली.
यावेळी भाजपा पक्षाचे जामखेड निवडणूक प्रभारी शेखर खरमरे, जिल्हाध्यक्षा महिला मोर्चा प्रतिभा रेणुकर, जेष्ठ नेते प्रा. मधुकर राळेभात, माजी सभापती डॉ भगवान मुरूमकर,सभापती पै.शरद कार्ले ,शहर मंडल अध्यक्ष संजय काशिद,तालुका अध्यक्ष बापुराव ढवळे,प्रविण चोरडीया,ॲड.अजय काशिद
,मनोज कुलकर्णी,रविंद्र सुरवसे,ॲड.प्रविण सानप, व्यापारी संघटनेचे शहराध्यक्ष पिंटूशेठ बोरा,नगराध्यक्षपदाच्या इच्छुक सुनिता मधुकर राळेभात,प्रांजल चिंतामणी, रोहिणी काशिद,वैशाली झेंडे तसेच नगरसेवक पदाचे शेकडो इच्छुक उमेदवार व त्यांचे समर्थक उपस्थित होते.
——-वाजत गाजत आले—
प्रभाग क्रमांक ९ चे इच्छुक उमेदवार तात्याराम पोकळे व अर्जुन म्हेत्रे हे आपल्या शेकडो कार्यकर्त्यांसह वाजत गाजत मिरवणूकीद्वारे मुलाखतीला आले होते. मिरवणुक काढत मुलाखतीला आल्याने शहरात यांची मोठी चर्चा आहे.
