🌼लोकसेवा शाळेचे स्नेहसंमेलन उत्साहात🌼

सोलापूर महेश पवार द. सोलापूर तालुक्याच्या मंद्रूप येथील लोकसेवा विद्यामंदिर व क. महाविद्यालयाचे वार्षिक स्नेहसंमेलन मोठ्या उत्साहात पार पडले.
या स्नेहसंमेलनाचे उद्घाटन संस्थेचे अध्यक्ष तथा माजी आमदार शिवशरण अण्णा पाटील यांच्या हस्ते करण्यात आले. यावेळी संस्थेचे सचिव तथा माजी सभापती गुरूसिध्दमामा म्हेत्रे, सरपंच श्रीमती अनिता कोरे, संस्थेचे सहसचिव आप्पासाहेब म्हेत्रे, संस्थेचे उपाध्यक्ष महादेव मामा शिळ्ळे,प्राचार्य तथा मुख्याध्यापक बसप्पा कुमठेकर, पर्यवेक्षक मदगोंडा मलकारी,अनंत म्हेत्रे, बाळासाहेब देशमुख,माळी समाजाचे अध्यक्ष सिद्धेश्वर हेळकर, सुरेश पाटील, अमोगसिद्ध पुजारी, वाघेश म्हेत्रे, रविशंकर म्हेत्रे,मलकारसिद्ध म्हेत्री, सौ सुरेखा पुजारी, माजी ग्रा.पं.सदस्य बसप्पा घाटे, पत्रकार पंचाक्षरी स्वामी, पत्रकार अमोगसिद्ध मुंजे, श्रीधर टेळे, सौ खंडागळे मॅडम,श्रीधर लोभे आदी उपस्थित होते.
यावेळी विद्यार्थ्यांनी समाज प्रबोधन करणारे विविध नाटके, कोळी नृत्य, संभाजी वध, राजमाता जिजाऊ, ठसकेबाज लावणी, लेझीम नृत्य, अनेक हिंदी सिने गीतावर समूह नृत्य अशा अनेक दिलखेचक बहारदार कार्यक्रम सादर करून प्रेक्षकांची मने जिंकली. यावेळी राजमाता जिजाऊ यांची घोड्यावरून येण्याचे प्रत्यक्ष क्षण सर्वांचे आकर्षण ठरले.
अशा सुंदर कलागुणांची उत्सव कार्यक्रमाच्या यशस्वीतेसाठी सतीश जकुणे, ज्योती जोडमोटे, राणी अडवीतोटे, सोमशंकर म्हेत्रे, सुभाष सुतार, धानप्पा बगले, विद्यानंद हिरेमठ, शिवपुत्र म्हेत्रे,रमेश व्हनमाने, प्रा. नरेश पवार, प्रा. सूर्यकांत विभुते आदींनी परिश्रम घेतले.
या सांस्कृतिक कार्यक्रमाचे सूत्रसंचालन इयत्ता दहावीतील मुलींनी केले तर आभार प्रदर्शन राहुल मठपती यांनी केले यावेळी बहुसंख्य विद्यार्थी, पालक, गावकरी, शिक्षक, शिक्षिका, प्राध्यापक, प्राध्यापिका, शिक्षकेतर कर्मचारी बहुसंख्येने उपस्थित होते