ल. ना. होशिंग विद्यालयात आषाढी एकादशीनिमित्त भक्तिमय दिंडी सोहळा संपन्न

ल. ना. होशिंग विद्यालयात आषाढी एकादशीनिमित्त भक्तिमय दिंडी सोहळा संपन्न

२०० फूट उंच “विठ्ठल टिळा’ हे विद्यार्थ्यांच्या भक्तीभावाचे प्रतीक – प्राचार्य बाळासाहेब पारखे

जामखेड, दि. ५ जुलै (प्रतिनिधी) :आषाढी एकादशीनिमित्त शहरातील दि. पिपल्स एज्युकेशन सोसायटीच्या ल. ना. होशिंग विद्यालयात विद्यार्थ्यांनी पारंपरिक वारकरी वेशभूषा परिधान करून भक्तिभावाने दिंडी सोहळा काढला. टाळ-मृदंगांच्या गजरात, तुळशीचे कलश डोक्यावर घेत विद्यार्थ्यांनी चालत सादर केलेल्या दिंडीमुळे संपूर्ण परिसर भक्तिमय झाला. या वेळी विद्यालयाच्या प्रांगणात साकारण्यात आलेला २०० फूट उंच ‘श्री विठ्ठल टिळा’ हा सोहळ्याचे विशेष आकर्षण ठरला.

या उपक्रमाची संकल्पना विद्यालयाचे प्राचार्य बाळासाहेब पारखे यांची होती. या वेळी केंद्रप्रमुख राम निकम, संस्थेचे अध्यक्ष उद्धवराव देशमुख, उपाध्यक्ष दिलीप गुगळे, सचिव अरुण चिंतामणी, संचालक दीपक होशिंग, माजी प्राचार्य अनंता खेत्रे, उपप्राचार्य युवराज भोसले, उपमुख्याध्यापक दत्तात्रय राजमाने, कार्यालय अधिक्षक ईश्वर कोळी आदी मान्यवर उपस्थित होते.

यावेळी बोलताना प्राचार्य बाळासाहेब पारखे म्हणाले की,दिंडी सोहळा ही केवळ पारंपरिक रीत नव्हे, तर विद्यार्थ्यांमध्ये भक्ती, शिस्त आणि सांस्कृतिक मूल्यांची बीजं रोवणारा एक प्रेरणादायी उपक्रम आहे. यंदा विद्यार्थ्यांनी साकारलेला २०० फूट उंच विठ्ठल टिळा हा त्यांच्या सर्जनशीलता आणि भक्तिभावाचे प्रतिक आहे.हा उपक्रम म्हणजे शिक्षणाबरोबरच संस्कारांचा संगम आहे. पालक, शिक्षक, शिक्षकेतर कर्मचारी यांचे सहकार्य आणि विद्यार्थ्यांचा उत्स्फूर्त सहभाग हेच या यशस्वी आयोजनामागचे खरे बळ आहे.

कार्यक्रमाची सुरुवात सकाळच्या प्रसन्न वातावरणात सुप्रिया घायतडक यांच्या भक्तिगीताने झाली. त्यानंतर विद्यार्थ्यांनी सादर केलेल्या सांस्कृतिक कार्यक्रमाने वातावरण अधिकच भावमय झाले. कार्यक्रमासाठी महिला शिक्षकांनी विशेष तयारी केली होती. यात शिक्षिका संगिता दराडे, वंदना आल्हाट,सुप्रिया घायतडक,रेश्मा कारंडे, सुरेखा धुमाळ, स्वाती बांगर, पूजा भालेराव, स्वाती घाडगे, प्रियंका सुपेकर, शितल काळे, निलम जगदाळे यांचा मोलाचा सहभाग होता.

दिंडीसाठी साकारलेली सजवलेली पालखी आणि ट्रॅक्टरवरील रचनेची सुबक मांडणी सर्वांच्या विशेष लक्षात राहिली. विद्यार्थ्यांच्या सहभागातून साकारलेला भव्य विठ्ठल टिळा कार्यक्रमाचे मुख्य आकर्षण ठरले. एकुणच ल.ना.होशिंग विद्यालयाचा हा भक्तिपर उत्सव वारकरी परंपरेचे जतन करणारा आणि विद्यार्थ्यांमध्ये सांस्कृतिक मूल्यांची बीजरोपण करणारा ठरला.

या सोहळ्याच्या यशस्वी आयोजनासाठी भरत लहाने, अनिल देडे, बबन राठोड, पोपट जगदाळे, कलाशिक्षक मुकुंद राऊत, विशाल पोले, रोहित घोडेस्वार, किशोर कुलकर्णी, हनुमंत वराट, कैलास वराट, आदित्य देशमुख, उमाकांत कुलकर्णी, साई भोसले, स्वप्निल जाधव, राघवेंद्र धनगडे, प्रल्हाद साळुंखे, धीरज पाटील, पोपट जरे व समारंभ प्रमुख नरेंद्र डहाळे यांच्या सह आदी शिक्षक-शिक्षकेतर कर्मचारी यांचे सहकार्य लाभले.