📰 Epaper Read Now →
📰 Epaper Read Now →
बीड

जामखेड–जवळा मुख्य रस्ता खड्डेमय ; अपघातांमध्ये वाढ

जामखेड–जवळा मुख्य रस्ता खड्डेमय ; अपघातांमध्ये वाढ

जामखेड : जामखेड–जवळा या दोन तहसीलांना जोडणारा मुख्य रस्ता पावसानंतर अत्यंत खराब अवस्थेत गेला आहे. रस्त्यावर मोठमोठे खड्डे पडले असून साईड पट्ट्या अरुंद झाल्यामुळे मागील काही दिवसांपासून सतत अपघात घडत आहेत. या रस्त्यावरून ये-जा करणाऱ्या वाहनचालकांना मोठ्या अडचणींचा सामना करावा लागत आहे.
या रस्त्याच्या दुरुस्ती व खड्डे भरण्याच्या मागणीसाठी भाजपचे जिल्हा कोषाध्यक्ष अजिनाथ हजारे यांनी बुधवारी सार्वजनिक बांधकाम विभागाचे उपअभियंता हनुमंत औटी यांना निवेदन दिले.
निवेदनात नमूद करण्यात आले आहे की, या मार्गावरून दररोज शेतकरी, विद्यार्थी, व्यापारी तसेच दुग्ध व्यवसायाशी संबंधित वाहनांची मोठ्या प्रमाणावर वाहतूक होते. मात्र रस्त्याची अवस्था अतिशय दयनीय झाल्यामुळे लहान-मोठे अपघात वारंवार घडत आहेत.
यावेळी उपसरपंच गौतम कोल्हे, महेंद्र खेत्रे, अनिल हजारे, किसन सरोदे,सतिश हजारे, संकेत हजारे आदी उपस्थित होते.
दरम्यान, जामखेड तहसील क्षेत्रातील सर्व राज्य महामार्गांच्या दुरुस्तीसाठी निविदा प्रक्रिया पूर्ण झाली असून सध्या सकाळमध्ये खड्डे भरण्याचे काम सुरू आहे. त्यानंतर जामखेड–करमाळा रस्त्याची दुरुस्ती करण्यात येणार आहे. या रस्त्यावर खड्डे भरण्यासाठी गुरुवारपासून खडी व अन्य साहित्य टाकण्यात येणार असून लवकरच रस्ता खड्डेमुक्त केला जाईल, अशी माहिती सार्वजनिक बांधकाम विभागाचे उपअभियंता शशिकांत सुतार यांनी दिली.

Back to top button