“टाकळी गावात नर वानरची दहशत; वन विभागाने धाडस दाखवून जेरबंद!”

“टाकळी गावात नर वानरची दहशत; वन विभागाने धाडस दाखवून जेरबंद!”

दै, सूर्योदय:- प्रतिनिधी

माहूर:-गावकर्‍यांसाठी भयाण आठवडे संपले! टाकळी गावात नागरिकांवर हल्ले करणारा नर वानर अखेर वन विभागाच्या धाडसी कारवाईत जेरबंद. पुसद आणि माहूरच्या टीमच्या तत्परतेमुळे गावात परत शांती!

मागील काही दिवसांपासून टाकळी गावात नर वानर सतत नागरिकांवर हल्ले करत होता, घरांचे नुकसान करीत होता आणि लोकांना घाबरवत होता. गावकरी भयभीत झाले होते. सरपंच आणि ग्रामसेवकांनी वन विभागाला तातडीची मदत मागितली.

वनपरिक्षेत्र अधिकारी रोहित जाधव यांच्या आदेशान्वये उपवन संरक्षक केशव वाबळे यांच्या मार्गदर्शनाखाली पुसद व माहूरच्या कर्मचाऱ्यांची रेस्क्यू टीम तयार झाली. १० डिसेंबर रोजी धाडसी कारवाई करून वानरास जेरबंद केले गेले, आणि नंतर सुरक्षितपणे निसर्गात सोडण्यात आले.

या मोहिमेत बनपाल मनोहर कतुलवार, दिपक माने, महेश मांजलवाड, रवी राठोड, किरण सातपुते, रवी मोरे, कैलास जाधव, परमेश्वर नाईक यांनी सहभाग घेतला. गावकरी मोठ्या संख्येने उपस्थित होते आणि धाडसी कारवाईचे कौतुक करत होते.

“आम्ही भीतीत होतो, आता शांती परत आली आहे. रोहित जाधव आणि टीमचे मनःपूर्वक अभिनंदन!”

वन विभागाच्या तत्पर कारवाईमुळे टाकळी गावातील वानराचा दहशतकाल संपला आणि नागरिकांना मिळाला दिलासा!