“माजलगावला पहिली महिला नगराध्यक्षा देण्याची तयारी — संध्या भांडेकरांच्या नावाची शहरात जोरदार चर्चा!”

“माजलगावला पहिली महिला नगराध्यक्षा देण्याची तयारी — संध्या भांडेकरांच्या नावाची शहरात जोरदार चर्चा!”

 “जनतेचा विश्वास आणि पक्षश्रेष्ठींची दखल — राष्ट्रवादी (अजित पवार गट) कडून संध्या भांडेकर नगराध्यक्षपदासाठी सज्ज!”

सुहास सावंत / माजलगाव

माजलगाव नगरपालिकेच्या आगामी निवडणुकीत राष्ट्रवादी काँग्रेस (अजित पवार गट) कडून नगराध्यक्ष पदासाठी संध्या शरद भांडेकर या सर्वाधिक चर्चेत असलेल्या दावेदार ठरत आहेत. गेल्या अनेक वर्षांपासून त्या राजकारणात व समाजकारणात सक्रिय असून, महिलांसह सर्वसामान्य जनतेत त्यांनी विश्वासार्ह स्थान निर्माण केले आहे.

संध्या भांडेकर यांनी राजकारणात प्रवेश समाजातील दुर्बल घटकांना न्याय मिळवून देण्यासाठी केला. प्रारंभी त्यांनी स्थानिक समस्यांवर लढा देत सामाजिक कामातून आपली ओळख निर्माण केली. महिला बचत गटांना आर्थिक बळ देणे, गरजू विद्यार्थ्यांना शैक्षणिक सहाय्य, स्वच्छता अभियानात पुढाकार, तसेच शहर विकासाच्या उपक्रमांत सहभाग  यामुळे त्यांचे नाव माजलगावभर आदराने घेतले जाते.

त्यांच्या कार्यकाळात आणि भूमिकेत नेहमीच जनतेचा प्रश्न हा केंद्रबिंदू राहिला आहे. राष्ट्रवादी (अजित पवार गट) मध्ये त्यांना पक्षश्रेष्ठींचे मार्गदर्शन लाभले असून, त्यांच्या कार्यकौशल्याची दखल घेत पक्षातील वरिष्ठ नेतेही त्यांना उमेदवारीसाठी प्रबळ दावेदार मानत आहेत.

नगराध्यक्ष पदासाठी त्यांच्या नावावर माजलगावभर चर्चेचा विषय रंगला आहे. कार्यकर्ते, नागरिक, आणि महिलावर्ग या सर्वांचा पाठिंबा त्यांना मिळत असल्याचे चित्र दिसून येत आहे. “संध्या भांडेकरच नगराध्यक्ष व्हाव्यात” अशी सर्वसामान्य नागरिकांची मागणी जोर धरत आहे.

जर पक्षश्रेष्ठींनी त्यांच्या कामाची पावती म्हणून उमेदवारी दिली, तर माजलगावला पहिली महिला नगराध्यक्षा मिळण्याचा अभिमान लाभेल. नगराध्यक्ष झाल्यानंतर त्या शहराच्या सर्वांगीण विकासावर लक्ष केंद्रित करणार असून, स्वच्छ, सुंदर आणि सुरक्षित माजलगाव हे त्यांचे ध्येय असेल.

त्यांचा मुख्य भर मूलभूत सुविधा, पाणीपुरवठा, स्वच्छता, रस्ते, महिला सक्षमीकरण, तसेच युवकांसाठी करिअर मार्गदर्शन केंद्र स्थापन करण्यावर असणार आहे. तसेच शहरातील शाळांमध्ये डिजिटल शिक्षणसुविधा, आणि पर्यावरण संवर्धनासाठी ‘हरित माजलगाव’ अभियान सुरू करण्याचा त्यांनी संकल्प व्यक्त केला आहे.

राष्ट्रवादी (अजित पवार गट) मध्ये कार्यकर्त्यांचा एकमुखी पाठिंबा असलेली संध्या भांडेकर या माजलगावच्या राजकारणात नव्या पिढीच्या, शिक्षित आणि प्रामाणिक नेतृत्वाचे प्रतीक ठरत आहेत. त्यांच्या उमेदवारीची अधिकृत घोषणा झाली, तर माजलगावच्या राजकारणात नवा इतिहास घडणार यात शंका नाही.