माजलगाव-वडवणी-धारूर मतदारसंघातील जिल्हा परिषद शाळांसाठी १५ कोटी ८० लाख रुपयांच्या निधीची मागणी

### **इमारतविरहित शाळा, मोडकळीस आलेल्या वर्गखोल्या व अतिरिक्त वर्गखोल्यांसाठी आ. प्रकाशदादा सोळंके यांच्याकडे डॉ. गणेश ढवळे यांचे निवेदन**

**बीड, दि. २ :** ग्रामीण भागातील विद्यार्थ्यांना सुरक्षित व गुणवत्तापूर्ण शैक्षणिक सुविधा उपलब्ध व्हाव्यात, यासाठी माजलगाव-वडवणी-धारूर मतदारसंघातील जिल्हा परिषद शाळांमधील इमारतविरहित शाळा, मोडकळीस आलेल्या वर्गखोल्या तसेच वाढत्या विद्यार्थी संख्येमुळे आवश्यक असलेल्या अतिरिक्त वर्गखोल्यांच्या बांधकामासाठी एकूण **१५ कोटी ८० लाख रुपयांच्या निधीची** तरतूद जिल्हा वार्षिक नियोजन समितीच्या निधीतून करण्यात यावी, अशी मागणी **डॉ. गणेश ढवळे (लिंबागणेशकर)** यांनी **आ. प्रकाशदादा सोळंके** यांच्याकडे निवेदनाद्वारे केली आहे.

निवेदनानुसार, **माजलगाव तालुक्यात** २२६ जिल्हा परिषद शाळा असून, ३ इमारतविरहित शाळांसाठी ३ वर्गखोल्या, ९ शाळांमधील १२ मोडकळीस आलेल्या वर्गखोल्यांचे पुनर्बांधकाम तसेच ६ शाळांमध्ये ८ अतिरिक्त वर्गखोल्यांची आवश्यकता आहे. एकूण १८ शाळांमधील २३ वर्गखोल्यांच्या बांधकामासाठी **२ कोटी ७६ लाख रुपये** आणि ३० वर्गखोल्यांच्या दुरुस्तीसाठी **१ कोटी २२ लाख ५० हजार रुपये**, असा मिळून **३ कोटी ९८ लाख ५० हजार रुपयांचा निधी** आवश्यक असल्याचे नमूद करण्यात आले आहे.

**वडवणी तालुक्यात** १०० जिल्हा परिषद शाळा असून, १४ शाळांमधील ३१ मोडकळीस आलेल्या वर्गखोल्यांचे पुनर्बांधकाम आणि ५ शाळांमध्ये ७ अतिरिक्त वर्गखोल्यांचे बांधकाम आवश्यक आहे. यासाठी १९ शाळांमधील ३८ वर्गखोल्यांच्या बांधकामासाठी **४ कोटी ५६ लाख रुपये** तसेच ४२ वर्गखोल्यांच्या दुरुस्तीसाठी **१ कोटी ६८ लाख रुपये**, असा मिळून **६ कोटी २४ लाख रुपयांचा निधी** आवश्यक असल्याचे निवेदनात म्हटले आहे.

**धारूर तालुक्यात** १२९ जिल्हा परिषद शाळा असून, ९ इमारतविरहित शाळांसाठी ९ वर्गखोल्या, ८ शाळांमधील १६ मोडकळीस आलेल्या वर्गखोल्यांचे पुनर्बांधकाम तसेच ४ शाळांमध्ये १० अतिरिक्त वर्गखोल्यांची आवश्यकता आहे. एकूण २१ शाळांमधील ३५ वर्गखोल्यांच्या बांधकामासाठी **४ कोटी २० लाख रुपये** आणि २९ वर्गखोल्यांच्या दुरुस्तीसाठी **१ कोटी ३७ लाख ५० हजार रुपये**, असा मिळून **५ कोटी ५७ लाख ५० हजार रुपयांचा निधी** आवश्यक असल्याचे डॉ. ढवळे यांनी नमूद केले आहे.

यावेळी ग्रामीण भागातील विद्यार्थ्यांना सुरक्षित शैक्षणिक वातावरण उपलब्ध करून देण्यासाठी जिल्हा वार्षिक नियोजन समितीच्या निधीतून या सर्व कामांना प्राधान्याने मंजुरी देऊन निधी उपलब्ध करून द्यावा, अशी मागणी डॉ. गणेश ढवळे यांनी केली.

—

### **□ चौकट : मतदारसंघनिहाय निधीची आवश्यकता**

**● माजलगाव तालुका :** ३ कोटी ९८ लाख ५० हजार रुपये

**● वडवणी तालुका :** ६ कोटी २४ लाख रुपये

**● धारूर तालुका :** ५ कोटी ५७ लाख ५० हजार रुपये

**एकूण आवश्यक निधी : १५ कोटी ८० लाख रुपये**

**प्रमुख कामे :**

– इमारतविरहित शाळांसाठी नवीन वर्गखोल्या

– मोडकळीस आलेल्या वर्गखोल्यांचे पुनर्बांधकाम

– वाढत्या विद्यार्थी संख्येनुसार अतिरिक्त वर्गखोल्यांचे बांधकाम

– जीर्ण वर्गखोल्यांची दुरुस्तीआवश्यक

डॉ.गणेश ढवळे लिंबागणेशकर

मो.नं.८१८०९२७५७२